Data: Savatine dive, 8 Decembro, 10:00–17:00, dikhlaripea vi mesmereske habaski pauza.
Kosto: 30 € (jene e filmArche: 10 €).
Than: ORi – Forum artistic picture media e.V. – Friedelstraße 8, 12047 Berlin
Vorkshopeski qhib: Germanyuni
Registracia ko: caspar@2018.roma-filmfestival.com

O fotografie shay te qhivenmen ko kontakti e butrigune thay kompleksune realitetenca. On sarsakana vastisale vash te buhlaren o generalizime proyektipya e grupengo thay manushengo thay te legitimizinen forcake strukturen. O aparati na si bi bango obyekti. Sako ko kerla fotograie ose filmya kerla jivdi akaya legitimacia kana produktinla ose publikinla internalizime thay bi reflektime imazhya.

Akava vorkshopi inkurainla e kotorleyutnen te oven jande vash olenge internalizime imazhya thay percepcie, maybut vash odola kotar o thana thay grupe andar Berlinesko urbanyuno than.

Prekal vastipe e artistikune metodengo, sar si teatro, performansa, kolazhi, piktoripe, thay fotografia, o kotorlyutne ka lent hay penjaren olengi “vizualuni kultura” formimi kotar o arti, reklama sinema, nevipe thay yaver, ani na kognitivuni forma. Sheruni thavd e vorkshopesko ka ovel o halovipe e kamerako thay olake andrune butyengo – fokaluno lugipe, rami, dikhipe, thay focusi shay te influinen pe strukturipe e diskursesko mamuy specifikune grupe, reflektipea sar akala elementya shay te vastingyon te qhiven e manushen ani pozicia e zoralipesko thay pozicia e na theripasko e zoralipesko. O vorkshopi sikavla e interesime rigenge o subyekti e zoralipaska strukturako thay fotografiako.

Te si shayutno, o kotorleyutne musay te anen pere kamere. Ruyjinatumen mothaven te sine kaya kava na si shayutno (caspar@2018.roma-filmfestival.com).

Vakerutne:

Isaumir Nascimento (fotografi thay artesko edukatori) thay Yili Rojas (artisti thay
edukaciako konsultanti). www.fotografieundmacht.wordpress.com.