Balázs Lengyel
Hungaria 2018
95′

Tickets 

Original verzia e anglikane titrenca

Akaya kali satirikuni komedia sikavla o mothavipe e yekhe tehne Romane manushesko, angluno piloti kotar oesko etniciteti ani Hungaria, shay ini ani sah lumia. Ko bersh 1957 Sovieteski Unia decisinla te del Hungariake – sar olako pashutno amal – te del o shaipe alosarel anglune kosmonaute vash angluno dromipe pe phud. O pashutno Jenő Karmazsin, angluno leutenanti e Kunmadaras phudeske forcengo janela e mayshukar candidate vash akaya buti: Lajos Serbán, o personaluno jeno koleske sine mentori si sar qhavoro e anglune leutenantesko. Lajos, ose Lajkó sar khargyola kotar o yaver, sile baro kamipe pedral o qerenya kova avla sar oleske qhavorikane divendar. Akava avela oleska datar koya penjargyaole romana astrologia thay koya qhelalipea muli kotar yekh fataluno aksidenti kerdo kotar o Lajkó raketenca.

Ji kay o Lajkó ovela gatisarno vash olesko dromipe pe qerenya, na janela kay alosardilo vash akaya misia vash yekh sebepi. O Sovietya ji akana biqhalde panj rakete ani phud, numay niyekh olendar na irisali. Barem na ko yekh kotor. Lajkó ajukergyola kotar o komiteti e generalengo thay korkore mudaripaski misia ano Baikonur, Kazakhstan. Ano vahti kana o Lajkó halola kay vastingyola sar laboratoriako jivindo, akana isi but dosna. Na si than te iringyove pale.

 

O rejiseri thay hramarno, Balázs Lengyel, biyasalo ano Budapest, Hungaria. Hramingya nesave harne filmya sar si BALANSZ (2010), A RÉPA (2016) thay KOJOT (2017). Ko bersh 2016, ulo kotor e hramarnenga livnake e dramake serienca ARANYÉLET koya lela poqin sar sheruno hramarno anglo te shrdel te kerel e rejia e filmesko LAJKÓ – O ROM PE PHUD (2018) so kerla olesko angluno lugometrazhako deuti ani rejia.

 

Rejia: Balázs Lengyel
Teksti: Balázs Lengyel, Balázs Lovas
Kamera: György Réder
Produkcia: Ferenc Pusztai & KMH Film
Rolya: Tamás Keresztes, József Gyabronka, Nóra Trokán, Gábor Máté, Athina Papadimitriu

 

SAVATONE DIVE, 20:30