Hamze Bytyçi
Qekiaki Republika/Germania 2016
26’

Tickets 

Original verzia e anglikane titrenca

O harno dokumentaruno filmi phiravela e Jozef Miker ani prptesta mamuy yekh bare-kapaciteteski balikani farma koya vazdisali ano eks koncentraciako kampi pashe o Lety ani ratyoriguni Bohemia. Shelenca roma nashalde olengo jivdipe odote talo nacistengo rezhimi –  dikhlaripea kvash e Jožkaska romnaka familiako. Ji kay nasvalisalo palo keripe buti disave bersha ani angaraki miniera, o protagonist e kharde anavea Jožka nikana na nashalgya olesko optimizmo, humori thay pakyavipe ano mayshukar amalipe.

 

Hamze Bytyçi si mendiengo thay teatraluno pedagogo, rejiseri, performeri thay jeno e Mashkarthemutne Romane Filmeska Komisiako. Biyasalo ano Prizren, Kosova. Ko  bersh 2005 agoringya e Aktripaski Skola ano Freiburg thay gelo te jivdinel ano Berlin ko bersh 2006 palo yekh bershuno angazhipe ano teatro ano Cirih, Zvicra. Mashkar yaver performinela ko Maxim Gorki Teatro ano Berlini thay Ballhaus Naunyenstraße. E bershestar 2012, ov si direktori e amalipasko RomaTrial, kote kerla buti sar artistikuno direktori ko buderi formatya: Ko bersh 2017 ov inicingya o AKE DIKHEA? Festivali e Romane Filmesko, ko bersh 2018 ov sine som-kuratori e Angune Romane Bienelako
NIKYOV AVRI AKANA! Ko olesko live show Hilton 437, ov vazdela socialune thay  politikune puqipya sar deportipe kotar e Germania ose diskriminacia e Romane minoritetesko. Ko ternenge proyektya sar Radio Çorel ose mashkarthemutni nilayuni skola vash filmya Balkan Onions, dela phiko terne romenge vash te arakhen olengi artistikuni ekpresia. E bershestar 2016, si kotor e Berlineske bordesko ani partia Die Linke..

Rejia: Hamze Bytyci
Kamera: Milan Durňak
Avazo: Veronika Patočková, Andreas Fertig
Muzika: Herr von und zu
Montazha: Mirja Gerle
Produkcia: Veronika Patočková

SAVATONE DIVE, 18:00, e P&R e protagonistenca thay e rejiserea